Are you Searching For Best Punjabi Ghazal Shayari 2022 – Best Punjabi Ghazal Shayari (کالج)If you like our Punjabi Ghazal Poetry the Punjabi Ghazal Romantic Shayari and Punjabi Ghazal collection, then share it with your friends, your loved ones, especially those who Punjabi Ghazal and share it on Facebook.
اُوکھی سوکھی میڑک کیتی
میں وی کالج داخل ہویا
حالت قسمیں جنگی ویکھی
دُنیا رنگ برنگی ویکھی
پہلا ہفتہ اُوکھا سی
سارا اکھ دا توکھا سی
جمعہ جمعہ آٹھ دن لنگھے
ٹیچر فیر ناں لگن چنگے
کالج اکثر دیر نال پہنچاں
پٹھیاں سدھیاں آون سوچاں
میرا وی کوئی بیلی بن جائے
ایک ادھی سیلی بن جائے
پنج، ست میرے بیلی بن گئے
کی دساں او زندگی بن گئے
کتاباں نال بنے ناں ساڈی
بنک وی مارے قسم خدا دی
ناں کُجھ دینا ناں کُجھ لینا
سارا دن کینٹین تے بہنا
اِک دُوجے دا درد ونڈانا
اِک دُوجے نوں گل نل لانا
زندگی سوکھی لنگھدی پئی سی
پتا نئیں کتھوں پیپر آ گئے
کتاب نوں ہتھ کوئی لاندا نئیں سی
کجھ وی آندا جاندا نئیں سی
ماڑیاں جاناں اُوکھیاں پھسیاں
رب دے اُتے ڈوراں سٹیاں
پڑھن دا فیر ارادہ کیتا
ساریاں رل کے وعدہ کیتا
فیر کی سی سارے جڑ گئے
بتھیری ساریاں ہمت ماری
آخر پیپر ہال وچ آ گئے
خوب فیر ورکے کالے کیتے
اُوکھیاں سوکھیاں پیپر دتے
ساڈے وی ساہ سوکھے ہوئے
بس فیر سارے ہو گئے ویلے
ایک دوجے توں وچھڑ گئے سارے
پچھے ہن بس یاداں ای نے
او دن ہن ولنے نئیں
سارا کُجھ ای پُل جاناں اے
دن کالج دے پلنے نئیں